देगलूर: शिवसेना नांदेड जिल्हा उपप्रमुख व्यंकटराव पाटील खतगावकर (गुरुजी) यांच्या वाढदिवसानिमित्त देगलूर येथील मानव्य विकास अंध विद्यालयात अंध विद्यार्थ्यांना फळे व जीवनोपयोगी साहित्याचे वाटप, तसेच वृक्षारोपणाचा उपक्रम उत्साहात पार पडला. युवासेना नांदेड जिल्हाप्रमुख (देगलूर विधानसभा) नामदेव पाटील थडके यांच्या नेतृत्वाखाली झालेल्या या उपक्रमातून समाजसेवा आणि पर्यावरण संवर्धनाचा संदेश देण्यात आला. सदरील सामाजिक उपक्रम शुक्रवार दि. 10 जुलै रोजी पार पडला.
शिवसेना नांदेड जिल्हा उपप्रमुख व्यंकटराव पाटील खतगावकर (गुरुजी) यांच्या वाढदिवसानिमित्त विविध सामाजिक उपक्रमांचे आयोजन करण्यात आले. युवासेना नांदेड जिल्हाप्रमुख (देगलूर विधानसभा) नामदेव पाटील थडके यांच्या नेतृत्वाखाली मानव्य विकास अंध विद्यालय, देगलूर येथे अंध विद्यार्थ्यांसाठी फळवाटप, जीवनोपयोगी साहित्य वितरण आणि वृक्षारोपणाचा कार्यक्रम उत्साहात पार पडला.
यावेळी विद्यार्थ्यांना आवश्यक जीवनोपयोगी साहित्य व फळांचे वाटप करून त्यांच्याशी संवाद साधण्यात आला. विद्यार्थ्यांच्या गरजा जाणून घेत त्यांना प्रोत्साहन देण्यात आले. त्याचबरोबर पर्यावरण संवर्धनाचा संदेश देण्यासाठी वृक्षारोपण करण्यात आले. सामाजिक बांधिलकी आणि सेवाभाव जपणारा हा उपक्रम उपस्थितांच्या विशेष पसंतीस उतरला.
कार्यक्रमास युवासेना जिल्हाप्रमुख (देगलूर विधानसभा) नामदेव पाटील थडके, डॉ. व्यंकटराव धुमाळे, ॲड. अशोक कापसे, ॲड. अंकुशराजे जाधव, शिवसेना तालुकाप्रमुख गंगाधर तमलुरकर, शिवसेना शहरप्रमुख व्यंकट पुरमवार, प्रशांत पाटील खुदमापूरकर, मिलिंद कावळगावकर, रणजीत कुशावाडीकर, सुनील थडके, सुनील पाटील देगावकर, ज्ञानेश्वर शिंदे यांच्यासह शिवसेना-युवासेनेचे पदाधिकारी, शिवसैनिक आणि मान्यवर मोठ्या संख्येने उपस्थित होते.
वाढदिवसानिमित्त समाजोपयोगी कार्याला प्राधान्य देत सामाजिक उत्तरदायित्वाची जाणीव जपण्याचा प्रयत्न करण्यात आला. सेवा, संवेदनशीलता आणि पर्यावरण संवर्धन यांचा संगम घडवून आणणारा हा उपक्रम उपस्थितांच्या कौतुकास पात्र ठरला.
