Prajashilp digital ,
देगलूर : देगलूर-बिलोली विधानसभा मतदारसंघात दुष्काळजन्य परिस्थितीचे सावट गडद झाले असून, या कठीण काळात माजी सनदी अधिकारी व कांग्रेस पसाचे नेते रामदास पाटील सुमठाणकर यांनी थेट बांधावर जाऊन दुष्काळ पाहणी दौरा सुरू केला आहे. त्यांच्या या धडक दौऱ्यांमुळे पाण्याअभावी हवालदील झालेला शेतकरी आणि हाताला काम नसलेला शेतमजूर वर्ग या दोघांनाही मोठा मानसिक व प्रशासकीय दिलासा मिळत आहे.
दरम्यान, या दुष्काळ दौऱ्यामुळे ग्रामस्थांशी नाळ जोडली जात असल्याची भावनिक प्रतिक्रिया विधानसभेतील नागरीकांनी व्यक्त केली आहे.
"शेतकरी आणि शेतमजूर हा आपल्या ग्रामीण अर्थव्यवस्थेचा मुख्य कणा आहे. दुष्काळाच्या या संकटात कुणालाही वाऱ्यावर सोडले जाणार नाही. पिकांच्या नुकसानीचे पंचनामे तात्काळ करून भरपाई मिळवून देणे आणि मजुरांच्या हाताला काम उपलब्ध करून देणे यासाठी आम्ही कटिबद्ध आहोत."— रामदास पाटील सुमठाणकर
चालू हंगामात पावसाच्या अनियमिततेमुळे विहिरी, बोअरवेल आणि स्थानिक पाणवठे आटत आहेत. उभी पिके डोळ्यांदेखत जळत असल्याने बळीराजा हतबल झाला आहे. या बिकट परिस्थितीचे गांभीर्य ओळखून रामदास पाटील सुमठाणकर हे मतदारसंघातील विविध गावांना प्रत्यक्ष भेटी देऊन शेती पिकांची पाहणी करत आहेत.
दौऱ्यादरम्यान ते गावागावांतील शेतकरी, महिला व मजुरांशी थेट संवाद साधून त्यांच्या अडीअडचणी जाणून घेत आहेत. प्राधान्याने पिण्याच्या पाण्याची सोय, जनावरांसाठी चाऱ्याची व्यवस्था, आणि शेतमजुरांच्या हाताला तात्काळ रोजगार मिळावा यासाठी ‘मनरेगा’ (MGNREGA) अंतर्गत कामे सुरू करण्याबाबत ते प्रशासनाशी सातत्याने पाठपुरावा करत आहेत.
सुमठाणकर यांच्या या सक्रियतेमुळे आणि प्रत्यक्ष शेताच्या बांधावर पोहोचून दिलासा देण्याच्या वृत्तीमुळे स्थानिक नागरिकांमधून समाधान व्यक्त होत असून, प्रशासकीय पातळीवरही दुष्काळी उपाययोजनांना गती मिळताना दिसत आहे. सोबत काँग्रेस तालुका अध्यक्ष विष्णू पाटील, महिला तालुका अध्यक्ष पूजा गायकवाड, माधव पाटील ,सुभाष कदम ,अर्जुन भालेराव,कैलास येसगे,अमोल देशमुख शिळवणीकर,भरत पाटील,हज्जू सेठ जमगडे, संजय मंगलावार, हाफिज खान पठाण, विकास नरबागे ,वजीर साहब करड खेडकर निलेश पाटील राजू पाटील रामराव वाघमारे नंदुरकर एडवोकेट शिवानंद टेकवार यांच्यासह देगलूर तालुक्यातील विविध गटातील प्रमुख कार्यकर्ते , नेते - पुढारीयांचीही प्रमुख उपस्थिती लाभत आहे .
